ایّام فاطمیَّه دی قلبیم یانور گینه ؛
اَشکِ تَریله گونَه لَریم ایسلانور گینه
هیئَتلر ایچره شَرحِ غَمی باشلانور گینه
گَلدی گینه ده زینبون آغلار قالان گونی
قَلبینده خوردا سنّیله داغلار قالان گونی
آز یاشلا باشلانور خانمون چوخ مُصیبَتی
خوش گونلَری قوتاردی شروع اولدی مِحنَتی
واردور هَلَه قاباقدا ؛ بَلاسی ؛ اِسارَتی
زَهرا بویوتدی زینبی گویا که غَم چَکَه
غُصّه ییَه ؛ بَلا گورَه ؛ رَنج و ستَم چَکَه
ای چرخ اُفّ اولا سَنه؛ سَن نیلوسَن مَگَر
مِصداقِ کوثره ویرا سیلی نَه دَن عُمَر
قوی من دیوم بو مَطلبی کوتاه ومُختَصَر
پیغَمبرون قیزی که پیَمبر نشانیدی
رحلت بو تزلیگه ائلَه مَزدی جَوانیدی
گر دوگمَسیدیلَر او دَنی شَخص لَر اونی
اُلمزدی جُرأتیله من عرض ایلورم بونی
اُلدوردولر؛او اُلمَدی؛اولسون سوزون سونی
قوی رازِ رحلتی قالا گیزلین مَزاری تَک
واضح دینموروک بئله اَخباری نیلَمَک؟
التماس دعا
